Divya Nirdhar
Breaking News
crime
गुन्हानागपूरविदर्भ

अतिक्रमण हटविताना अडथळा, नगराध्यक्षांसह 13 जणांवर गुन्हे दाखल

भंडारा : साकोलीत शासकीय कामात अडथळा करणे, अंगावर धावून येणे, शिवीगाळ करणे, अंगावर दगड भिरकावून धमकी देणे तसेच जिल्हाधिकारी यांच्या संचारबंदी आदेशाचे उल्लंघन केल्याची तक्रार साकोली पोलिस ठाण्यात केली. यावरून नगराध्यक्षांसह 13 जणावर गुन्हे दाखल करण्यात आले.
21 मे रोजी पंचशील वॉर्ड येथे हरीश एकनाथ पोगळे यांच्या घरामागील नालीवरील अतिक्रमण 24 तासांत काढावे, असे पत्र मुख्याधिकारी माधुरी मडावी यांनी गेल्या बुधवारी पाठवले होते. त्या संदर्भात शुक्रवारी मुख्याधिकारी स्वतः: जेसीबी घेऊन अतिक्रमण हटविण्यासाठी तेथे दाखल झाल्या. त्यावेळी नगराध्यक्षा धनवंता राऊत,डॉ. अजय तुमसरे, भोजराम कापगते, आदिनाथ नंदागवळी, नगरसेविका अनिता पोगळे यांनी शहरातील इतर ठिकाणी असलेले अतिक्रमण सोडून हेतुपुरस्सरपणे श्री. पोगळे यांचे अतिक्रमण का पाडता? असे विचारत वाद घालून अतिक्रमण काढण्यास अडथळा केला. यावेळी मुख्याधिकारी मडावी यांनी हातात हातोडा घेऊन अतिक्रमण काढण्याचा प्रयत्न केला. तेव्हा अतिक्रमण धारक आणि मुख्याधिकारी यांच्यात पुन्हा वाद झाला. येथे अतिक्रमण काढण्यावरून मुख्याधिकारी आणि नगराध्यक्षांचे कार्यकर्ते यांच्यात शुक्रवारी वाद झाला. त्याबाबत पोलिसांत तक्रार दाखल करण्यात आली असून पोलिसांनी नगराध्यक्षांसह इतर 12 जणांवर गुन्हे दाखल केले आहेत.
यामध्ये नगराध्यक्षा धनवंता राऊत, नगरसेविका अनिता किशोर पोगळे, नगरसेविका लता खुशाल कापगते, डॉ. अजय देवराम तुमसरे, माजी सरपंच भोजराम धोंडूजी कापगते, हरीश एकनाथ पोगळे, विनायक छगन देशमुख, डॉ. अनिल परशुराम मारवाडे, प्रीती प्रकाश डोंगरवार, प्रखर रामनारायण गुप्ता, चंद्रशेखर पोगळे, अजय नंदागवळी, आदिनाथ नंदागवळी यांचा समावेश आहे.

संबंधित पोस्ट

आश्चर्य आहे ना! …. त्या आठ गावांनी कोरोनाला टांगले वेशीवर

divyanirdhar

पदभरती न केल्यास आरोग्यसेवा ढासळण्याच्या मार्गावर;  कॉग्रेसच्या  अनुसूचित जाती विभागाचे जिल्हा अध्यक्ष राहुल घरडे यांचे सूचक विधान

divyanirdhar

हिवाळी अधिवेशनात सावजी हॉटेलची विशेष क्रेझ

divyanirdhar

उमरेडवासीयांना मिळणार शुद्ध पाणी; मुख्याधिकार्‍यांनी केली केंद्राची पाहणी

divyanirdhar

तीन वर्ष सांभाळले, शेवटी वनविभागानेच पकडले!

divyanirdhar

आदिवासींच्या न्याय हक्कासाठी कुहीत धरणे आंदोलन; प्रमोद घरडे यांच्या पाठिंब्याने आंदोलनाला बळ

divyanirdhar