Divya Nirdhar
Breaking News
बिझनेस

पतजंलीला इशारा ः ३१ डिसेंबपर्यंत उत्पादन सुरू करा, अन्यथा कारवाई!

दिव्य निर्धार ः प्रतिनिधी

नागपूर : मिहानमध्ये पतंजली फूड व हर्बल पार्कच्या उत्पादनाला ३१ डिसेंबर २०२१ पर्यंत सुरुवात करा, अन्यथा कारवाई करू, असा निर्वाणीचा इशारा महाराष्ट्र विमानतळ विकास कंपनीने दिल्याची माहिती एमएडीसीचे व्यवस्थापकीय संचालक दीपक कपूर यांनी दिली.

कपूर गुरुवारी नागपुरातील मिहान प्रकल्पाच्या दौऱ्यावर आले होते. त्यांनी पतंजली फू ड व हर्बल पार्कची पाहणी के ली. यावेळी त्यांनी विशेष आर्थिक क्षेत्र (सेझ) आणि विशेष आर्थिक क्षेत्राबाहेर उभारण्यात येत असलेल्या प्रकल्पाला भेट दिली. तसेच केंद्रीय सुविधा केंद्रातील आयटी क्षेत्राशी कं पन्यांचा आढावा घेतला. सेझबाहेर हॉस्पिटल, नर्सिग आणि हॉटेल उद्योगांना भूखंड उपलब्ध करून देण्यात येत आहे. त्याविषयी देखील माहिती घेतली. सध्या येथे एक नर्सिग हॉस्टिपलने भूखंड मागितला आहे. परंतु हॉटेल उद्योजकांनी प्रतिसाद दिलेला नाही. पतंजलीच्या प्रकल्पाविषयी बोलताना दीपक कपूर म्हणाले, ९५ टक्के काम झाले आहे. बहुतांश यंत्रसामग्री बसण्यात आली आहे. एमएडीसीने पतंजलीला ३१ डिसेंबपर्यंत उत्पादनास सुरुवात करण्याची सूचना के ली आहे. या मुदतीत उत्पादनास सुरुवात न के ल्यास त्यांच्यावर योग्य ती कार्यवाही के ली जाईल. मिहानमधील नॉन-सेझमध्ये पतंजली समूहाने २३० एकरचा भूखंड घेतला आहे. परंतु दिलेल्या मुदतीत उत्पादन सुरू केले नाही.

रामदेव बाबा यांच्या पंतजली समूहाने विदर्भातील संत्रा उत्पादक आणि इतर शेतकऱ्यांना लाभ होईल म्हणून मिहानमध्ये सप्टेंबर २०१६ ला जमीन घेतली. सहा महिन्यात उद्योग सुरू करण्यात येणार होते. या प्रकल्पात पतंजली उद्योग समूहाने सुमारे ५०० कोटींची गुंतवणूक करून, पायाभूत सुविधा उभारली आहे. या प्रकल्पाच्या प्रक्रियेसाठी संयत्रे आयात केलेली आहेत. पण, आर्थिक अडचणीमुळे पुढील कामे ठप्पे झाली आहेत. दरम्यान, यापूर्वी देखील एमएडीसीने उत्पादन सुरू करण्यासंदर्भात पतंजली समूहाला नोटीस बजावली होती. त्याचे काय झाले, हे उघड झालेले नाही.

लहान उद्योजकांना मिहानमध्ये भूखंड

नॉन-सेझमध्ये लहान उद्योजकांना उद्योग लावता यावे म्हणून एमएडीसीने ७२ लहान भूखंड उपलब्ध करून देण्याचा निर्णय घेतला आहे. मोठे भूखंड असल्याने लहान उद्योजकांना मिहानमध्ये संधी मिळत नव्हती. त्यामुळे लहान भूखंड उपलब्ध करून देण्याची मागणी विदर्भ इकॉनामिक डेव्हलपमेंटने (वेद) के ली होती. एमएडीसी लहान ७२ भूखंड उपलब्ध करून देणार आहे, असेही दीपक कपूर म्हणाले.

संबंधित पोस्ट

पुणे जिल्हा मध्यवर्ती सहकारी बँकेने वैयक्तिक कॅश क्रेडीट कर्ज योजनेचा व्याजदर कमी करावा; महाराष्ट्र राज्य कास्ट्राईब शिक्षक महासंघाचे राज्याध्यक्ष गौतम कांबळे यांची मागणी .

divyanirdhar

आद्य क्रांतिवीर लहुजी साळवेंवर निघणार टपाल तिकीट; बार्टीने केंद्र सरकारला पाठविला प्रस्ताव

divyanirdhar

‘अनामित्रा प्रॉपर्टीज’च्या संचालकाकडून मेहता यांना सदनिकेची विक्री

divyanirdhar

राज्य लेखा परीक्षकांची नागपुरात कार्यशाळा; राज्यभरातील पदाधिकाऱ्यांची उपस्थिती

divyanirdhar

बार्टी ः जातीचे नव्हे विकासाचे करा राजकारण

divyanirdhar

चोर म्हणाला… साहेब सीसीटीव्हीच बंद आहेत!

divyanirdhar